Ástrós Magnúsdóttir

Stofnandi vefsíðu
 

Ég er 19 ára stelpa úr Garðabæ og hlaut slæman höfuðáverka þann 29. nóvember 2018 og er með eftirheilahristingsheilkenni. Ég er búin að fara
í gegnum endurhæfingu á göngudeild Grensás og er sem stendur að bíða eftir að komast í meðferð hjá verkjateymi Reykjalundar. Ég hef þurft að læra að kynnast sjálfri mér upp á nýtt og fræðast upp á eigin spýtur um heilkennið þar sem ég fékk litlar upplýsingar um heilkennið sjálft. Það sem hefur komið mér á óvart er að hvergi eru aðgengilegar upplýsingar á einum stað um heilkennið og því fór ég í að panta mér fjölmargar bækur erlendis frá, sem fjalla um ýmsar hliðar og afleiðingar eftirheilahristingsheilkennis. Ég vil stofna þessa síðu til að m.a. miðla þeim upplýsingum sem ég hef aflað mér, því ég tel að þær geti verið gagnlegar þeim sem hafa hlotið heilaáverka og aðstandendum einstaklinga með PCS. Hér segi ég einnig frá minni upplifun af því að takast á við heilaskaðann og meðhöndla hann.