hlutir sem að minn heilahristingur hefur kennt mér
Breytt og jákvætt hugarfar er lykilatriði í bataferlinu.
Flesta daga sætti ég mig við raunveruleikann að lifa með eftirheilahristingsheilkenni, ég sætti mig við það og aðlaga mig að mínum takmörkunum. Flesta daga. Stundum á maður aftur á móti daga sem eru ekki þannig. Stundum
á maður daga sem maður syrgir manneskjuna sem þú varst fyrir slysið, þú vilt gefast upp. Þú gefst hins vegar ekki upp því að flesta daga ertu sterkari en á þessum dögum.Að setja sér mörk er gríðarlega mikilvægt en ennþá mikilvægara að virða sín mörk.
Bataferlið/endurhæfingin er ekki bara uppleið. Það koma gríðarlega mörk bakslög, stundum verður þú verri og stundum áttu góða daga. Það er enginn sem getur spáð
fyrir hvernig þín leið verður. Aftur á móti getur maður ráðið hvernig þú bregst við bakslögum og breytt hugarfari þínu og stillt það betur. Þú þarft að endurskilgreina þínar væntingar og hugarfar í tengslum við bakslög og þegar að hlutir gerast sem að þú varst ekki að plana eða búast við.Að treysta innsæi sínu, hlusta á líkamann og að trúa á hæfni sína til að geta orðið betri.
Það að hafa gott stuðningsnet skiptir alveg gríðarlega miklu máli.
Stundum virðist sem svo að þú sért að ná engum framförum og það er allt í lagi, það kemur upp sá stund sem þú munt ná framförum. Stundum koma framfarir á annan hátt en þú ert vanur, eins og að laga sig að nýjum aðstæðum og umhverfi. Endurskilgreindu væntingar þínar um hvernig framfarir líta út og líða. Taktu vel á móti óþægilegum hlutum, vertu góð/ur
við sjálfa/n þig þegar bakslögin koma og mundu að þú getur lært af nákvæmlega öllu. Svo farðu og gerðu þína eigin framfarir samkvæmt þinni skilgreiningu.Ef þú hefur slæman dag þar sem þú ert með gjörsamlega enga orku, hjálpar það ekki neitt til að vera pirraður eða reiður út í sjálfan sig. Vertu góð/ur við sjálfa/n þig, einblíndu frekar á að gera bara það sem þú getur og treystir þér í án þess að gera gjörsamlega út á við þig. Taktu því helst bara rólega á svona slæmum dögum. Það kemur alltaf nýr dagur og vonandi verður hann ekki eins slæmur.
Maður getur eytt miklum tíma að hugsa hvort að maður sé að gera hluti rétt og hvort að maður er að gera allt það sem maður getur gert til að verða betri. Maður þarf að minna sig reglulega á að maður er að gera sitt besta og það er meira en nóg.
listi yfir hlutum sem eru hvað mestu framfarirnar án þess að þú áttar þig á
Þú ert meðvituð um þá hluti sem að triggera þig
Þú ert ekki eins auðveldlega triggeruð
Þú reynir að koma í veg fyrir neikvætt hugarfar og hugsanir hjá þér sjálfri/sjálfum
Þú tékkar inn á sjálfum þér
Þú ert að æfa heilbrigð mörk
Þú biður um hjálp þegar þú virðist vera föst
Þú átt fleiri daga þar sem þú ert sátt við “nýju manneskjuna” sem þú ert í dag heldur en að syrgja þá gömlu
Þú ert búin að fjarlægja þig frá samböndum við fólk sem að dregur úr þér orku og kemur með slæmar athugasemdir
Þú ert að mestu leyti umkringd fólki sem að veita þér styrk, hvatningu og gefa þér aukna orku
Aukin vitund um þinn eigin líkamlega og andlega styrk
Breytt forgangsröðun á hlutum samkvæmt þínum takmörkum
Þú skipuleggur hvern dag fyrir sig byggt á þeirri orku sem þú ert með á þeim degi
